Վրաստան
Ընդհանուր տեղեկություններ
Հայաստանի Հանրապետության և Վրաստանի միջև դիվանագիտական հարաբերությունները հաստատվել են 1992թ. հուլիսի 17-ին: Հայաստանի Հանրապետության դեսպանությունը սկսել է գործել Թբիլիսիում 1993թ. հուլիսից: 2008թ. ապրիլին Բաթումիում հիմնվել է ՀՀ գլխավոր հյուպատոսությունը:
Հայաստանի Հանրապետության և Վրաստանի միջև ձևավորված է միջխորհրդարանական բարեկամական խումբ: Երկու երկրների միջև գործում է տնտեսական համագործակցության միջկառավարական հանձնաժողովը, որի 11-րդ նիստը կայացել է 2021թ. դեկտեմբերի 20-ին Թբիլիսիում:
Հայաստանի Հանրապետության և Վրաստանի բարձրաստիճան պաշտոնատարների և ոլորտային գերատեսչությունների ղեկավարների միջև հանդիպումներն ու շփումները կրում են պարբերական բնույթ: Երկու երկրների արտաքին գործերի նախարարությունների միջև տեղի են ունենում պարբերական խորհրդակցություններ:
Վրաստան
Իրավապայմանագրային դաշտ
- Հայաստանի Հանրապետության և Վրաստանի միջև գործում են փոխհարաբերությունների գրեթե բոլոր ոլորտներն ընդգրկող շուրջ 80 միջազգային պայմանագրեր, համաձայնագրեր, հուշագրեր և արձանագրություններ։
- Երկու երկրների միջև հիմնարար փաստաթուղթը 2001թ. հոկտեմբերին ստորագրված «Բարեկամության, համագործակցության և փոխադարձ անվտանգության մասին» պայմանագիրն է:
Առևտրատնտեսական կապեր
- Հայ-վրացական առևտրատնտեսական հարցերով համատեղ աշխատանքային խումբ է ձևավորվել 2013թ.: Առևտրատնտեսական բնագավառում գործում են առևտրի, երկակի հարկերից խուսափելու, ավտոմոբիլային և օդային հաղորդակցության, իրավական օգնության, ներդրումների խրախուսման և տնտեսական կապերի զարգացման և այլ ոլորտների համար նպաստավոր պայմաններ ստեղծող մի շարք փաստաթղթեր:
Հայաստանի Հանրապետության և Վրաստանի միջև
ապրանքաշրջանառության ծավալները /հազար ԱՄՆ դոլար/
| Տարի | Արտահանում | Ներմուծում (ըստ ծագման երկրի) | Ներմուծում (ըստ արտահանող երկրի) |
| 2021 | 62171.7 | 109028.4 | 308042.5 |
| 2020 | 57450.0 | 72981.7 | 322269.5 |
| 2019 | 69265.4 | 79727.6 | 485358.9 |
| 2018 | 68685.5 | 70774.3 | 372748.7 |
Ներմուծվող հիմնական ապրանքատեսակներ
- գյուղմթերք
- հանքային ջրեր
- քիմիական արտադրանք
- դեղամիջոցներ
Արտահանվող հիմնական ապրանքատեսակներ
- լեռնարդյունահանող սարքավորումներ
- բուսաբուծական և թռչնաբուծական ապրանքներ
- գյուղմթերք
- սննդի արդյունաբերության արտադրանք
-Սարգսյան Լաուրա - 